തീയതി 📆 : 19-08-2017 
സ്ഥലം🏠    : ഉദുമ, കാസർഗോഡ്         
എഴുത്ത്‌ ✍: സുജിത സുനീഷ്. 

 

നീ മാത്രം

എന്നുമെൻ പ്രാണനിൽ പെയ്തുതോർന്നൊരു 

മഴയായി നീയിന്നു മാറിയെങ്കിൽ

കണ്ണീരുമായ്ക്കുന്ന കനകനിലാവായ്

ഈ രാവിൽ നീയിന്ന് വന്നുവെങ്കിൽ

 

മൃദു ചുംബനംകൊണ്ട് മൂടുവാനായി

ഞാൻ പൂമുഖത്തൊറ്റയ്ക്കിരുന്നേനെ

അറിയാതെ നെഞ്ചിൽ പിടയുന്ന മൗനം

ഒന്നിച്ചടർന്നങ്ങ് പോകുമ്പോഴും

 

ആ മൗനം നോക്കിയിരിക്കാൻ ആ നെഞ്ചിൽ തലചേർത്തിരിക്കൻ

ഒന്നിച്ചുചേർന്നങ്ങിരിക്കാൻ ഒന്നായി അലിഞ്ഞലിഞ്ഞ്........

 

ഈ മുറിക്കുള്ളിൽ ഈ ജനാലയ്ക്കരികിൽ

ഈ പാതിരാവിൽ ഏകയായ് മൂകയായ്

അറിയാതെ നെഞ്ചം തുടിക്കുമ്പോഴും

ഈ ശ്വാസം എന്നിൽ നിന്നു മറയുമ്പോഴും

 

നീ മാത്രം.. നീ മാത്രം... നീ മാത്രം..............